Kremlini ka paralajmëruar se mund të synojë objektet ushtarake të Mbretërisë së Bashkuar, për shkak të mbështetjes që ajo po i bën Ukrainës.

Maria Zakhorova, zëdhënësja e Ministrisë së Jashtme ruse, tha se mund të autorizohen sulme kundër shteteve të NATO-s që ofrojnë ndihma ushtarake për Ukrainën. Ajo paralajmëroi:

“A e kuptojmë saktë se për hir të ndërprerjes së logjistikës së furnizimeve ushtarake, Rusia mund të godasë objektivat ushtarake në territorin e atyre vendeve të NATO-s që furnizojnë me armë regjimin e Kievit?

Në fund të fundit, kjo çon drejtpërdrejt në vdekje dhe gjakderdhje në territorin ukrainas. Me sa kuptoj unë, Britania është një nga ato vende”.

Fjalët e saj erdhën pasi ministri i Forcave të Armatosura të Britanisë, James Heappey, tha se Mbretëria e Bashkuar mbështeti sulmet ajrore të Ukrainës në infrastrukturën ruse.

Ai shtoi se do të ishte ‘plotësisht legjitime’ që armët britanike të përdoren në sulme të tilla, edhe pse aktualisht nuk mendohet të jetë asnjë.
Heappey tha gjithashtu se Britania do të rifillonte stërvitjen e trupave ukrainase brenda Ukrainës nëse konflikti do të ‘ngrihej’ në rajonet lindore Donetsk dhe Luhansk.

Por komentet e tij u kapën nga Kremlini, me ministrinë e mbrojtjes që e akuzoi atë për ‘provokim’.

Në një përshkallëzim të konsiderueshëm të tensioneve, Moska paralajmëroi gjithashtu se do të ishte e gatshme të sulmonte ‘qendrat vendimmarrëse’ në Kiev si hakmarrje – edhe nëse diplomatë britanikë dhe të tjerë perëndimorë do të ishin të pranishëm.

Ndërkohë, Tobias Ellëood, kryetar i komitetit të përzgjedhur të mbrojtjes, tha se vërejtjet e Heappey kishin ‘potencialin për të ftuar sulme hakmarrëse në Poloni’.

Kjo vjen pasi Boris Johnson javën e kaluar njoftoi se Britania do të rihapë ambasadën e saj në Kiev dy muaj pasi stafi u evakuua për shkak të luftës.

“Ambasada do të hapet këtë javë ‘në varësi të situatës së sigurisë”, tha Melinda Simmons, ambasadorja e Mbretërisë së Bashkuar në Ukrainë.
Të hënën, sekretari amerikan i shtetit Antony Blinken njoftoi gjatë një vizite në Kiev se diplomatët amerikanë gjithashtu do të kthehen në kryeqytet “brenda javësh”.

Duke iu përgjigjur mbështetjes së zotit Heappey për sulmet e Ukrainës në linjat ruse të furnizimit, një zëdhënës i Kremlinit tha:
“Dëshirojmë të nënvizojmë se provokimi i drejtpërdrejtë i Londrës ndaj regjimit të Kievit në veprime të tilla – nëse veprime të tilla kryhen – do të çojë menjëherë në përgjigjen tonë proporcionale”. .

“Siç e kemi paralajmëruar, forcat e armatosura ruse janë në gatishmëri gjatë gjithë orarit për të nisur sulme hakmarrëse me armë me precizion të lartë me rreze të gjatë veprimi në qendrat vendimmarrëse në Kiev. Prania e këshilltarëve nga vendet perëndimore në qendrat vendimmarrëse të Ukrainës nuk do të përbëjë domosdoshmërisht problem për Rusinë në marrjen e një vendimi për të ndërmarrë veprime hakmarrëse.’

LEAVE A REPLY

Please enter your comment!
Please enter your name here