Tre persona kanë mbetur të vdekur dhe një tjetër i lënduar pasi u goditën nga rrufeja pranë Shtëpisë së Bardhë në Washington të SHBA-së.

Autoritetet atje bënë të ditur se 76-vjeçari James Mueller dhe 75-vjeçarja Donna Mueller, të dy nga Janesville, Wisconsin, vdiqën pasi u goditën nga rrufeja teksa qëndronin në parkun “Lafayette” përballë Shtëpisë së Bardhë.

Sekretarja e shtypit e Shtëpisë së Bardhë, Karine Jean-Pierre, shprehu ngushëllime për viktimat.

“Ne jemi të pikëlluar nga humbja tragjike e jetës pas goditjes së rrufesë në Lafayette Park. Zemrat tona janë me familjet që humbën njerëzit e tyre të dashur dhe ne po lutemi për ata që ende luftojnë për jetën e tyre,” tha ajo në një deklaratë të shkurtër.

LEAVE A REPLY

Please enter your comment!
Please enter your name here